Thursday, December 22, 2005

政治是妥協的藝術

香港自世茂之後最大的新聞相信又係政改, 我個人十分高興政苦提出的議案不獲通過, 不過對呢班官的樣就越覺佢地越樣衰, 仲有, 你地睇許肥龍.... 呢個樣直頭係中央的狗一樣, 見民主派就吠.... 樣衰到呢.........
佢話: 希望佢能勇敢接受同承擔,否決一切後果。」
唔通咁樣聲大夾惡就係林局長口中的政治是妥協的藝術? 政府有冇同人地妥協過? 有冇想過人地點解反對而修改, 妥協? 你地呢班人有冇先? 唔去自己檢討, 就口口聲聲咁話人地要接受同承擔,否決一切後果。」, 你話係唔係好難睇先.
相信呢次事件最麻煩的會係政府.... 睇來今後立法會內大把好戲上演.

Wednesday, December 21, 2005

還是覺得手動好


一連試了 2 部 dSLR 相機,感覺係-- 我冇錢, 不過呢, 兩部機當中, 一部係只有手動鏡的 L 牌, 另一部就係支援手動鏡頭的 N 牌相機,兩部機都十分好玩, 不過我十分窮, 冇錢買. 所以都係玩o下好lu, 尤其近日用支 70-200 f/2.8 VR 做花瓶, 真的是花瓶,因為鏡頭跌落地, 壞了, 要整嗎?都係算啦, 所以呢, 要買返先得.

不過呢, 我發覺一樣野,就係 N 牌手動鏡頭的確靚好多, 85mm f/1.4 同 35mm f/1.4 兩支都係例, 當然, AF 冇 35mm f/1.4 啦, 不過鏡頭質素呢家野, 唔係話科技可以搭到, AF 冇錯係方便左, 不過呢, 光學質素唔得, 就係唔得, 兩支鏡 head to head 咁比較下, L 的 Summicon 90mm 當然贏晒, 不過呢, 85 都唔差, 但係 AF 就有點........
其實呢部 N 牌的 DC 真係好玩, 最少我心愛的 AF 鏡頭都有測光同埋 WB 唔會錯, 真係同我用緊的相機差好遠.............
下支目標鏡頭係 R- Summicon 90:)

Monday, December 19, 2005

世貿一周回顧

查實亂只得一個,就係香港正苦, 呢班友有自唔在, (手羅) 苦來辛, 你話佢地
係唔係白痴.
今次要 講的有幾班人
1. 警察高層
2. 前線警務人員
3. 唐司長同曾局長
4. 韓國及其他各國的示威者
5. 本地市民
6. 本地媒體
7. 外地媒體
8. 本地八掛人士

先講呢班低能力高層, 你地夠料就來捉我只係落order 做野, 知唔知你班細辛苦架? 仲o係記者會吹水, 話拘捕左 900人o係老告, 佢地就o係老告開party, 之後又傳出又話打佢地, 又話用廿人圍佢一
丁友.... 香港的警察高層越來越似幾廿年前的封閉國家警察。仲要講大話, 香港有呢d 人管理( 唔係管治) 真係可悲.

而前線的警務人員, 你地未放過催淚彈, 唔知應該點先放, 我唔怪你, 不過係唔係一定要係 order 就接呢, 你對住果班係手無寸鐵的平民, 雖然後來佢地好pro 咁拆鐵馬, 但係係邊個用暴力先架呢, 你地老細都話你地係用暴力, 唔係武力, 咁就知佢點想法啦. 唔信可以睇返各大電子傳媒的 17/12/2005 的press conf, 直播. 我都知你地可憐, 又要ot, 又要俾人鬧, 有d 仲俾人打添, 不過你地都好刻制, 好野, 但係拉左班人之後就發官威.. 呢樣要改.

兩位問責官員, 你地有冇檢討今次係成功定係失敗, 香港有乜好處?

對於示威者, 我覺得佢地真係好 pro, 好有組織, 亦好勁. 繼續努力呀, 我支持你地.

本地市民, 唔八的一班, 你地要學野勒, 人地係咁樣示威架. 對於你地的不便, 尢以跑馬地一班豪宅住戶, 我俾一個字你地, 「抵」你地班有錢人

本地媒體方面, 會唔會過份報道呢次的示威呢? 仲有好多題都係帶有主觀性的字, 要改.

外地媒體方面, 你地見到我地香港人全民都係記者, 全部人都影相, 知我地勁下呢.不過你地的報道真係好正, 好pro, 可以用來偷師先得.

最後就係本地的八婆八公, 你地做緊d乜呀大哥大姐, 真係公民記者?阻住人地記者同示威者做野架.

好. 寫住咁多先, 睇埋聽日報紙再講.

Sunday, December 18, 2005

Anti WTO Demonstration



the Anti WTO Demonstration held on 18 Dec 2005, Victoria Park, Causway Bay Hong Kong.

for more photos

please go to http://www.flickr.com/photos/kimot/

Thursday, December 15, 2005

Anti WTO??

Anti WTO??今日睇醫生時, 行經銅鑼灣, 見到大名鼎鼎的韓國農民。
Anti WTO??,
originally uploaded by Kimot.


Anti WTO??

Anti WTO??
Anti WTO??,
originally uploaded by Kimot.

Anti WTO??

Anti WTO??
Anti WTO??,
originally uploaded by Kimot.

Sunday, December 11, 2005

火線 Firewire 的Dog 上面

首先, Dog 上面是港式英語, 不明的可以看電影古惑仔2 .
其實 Firewire 認該係大約 1999 年推出的, 當年的 B / W G3 首配 FW, 之後同年小弟亦測試過一部 FW 的 10G/ 20GB External 3.5" HD, 當年真係驚為天人, 加上同 Sony DV 的 iLink 可以連接, 咁就真係一流, 玩 video 同 當佢scsi 用都得, 不過呢, apple 最衰就係當年未拿 IEEE 前, 要人地用 FW 就一個 port 一個咁收人地錢, 玩死人嗎? d oem/ odm 同 3rd party 仲駛做, 好彩後來唔駛, 不過因為咁, USB 就積極開發 480 Mbps 的 2.0 去打低 FW, 其實 usb 呢個Moment 已經跑出左, 所以2.0 可以疳成功, 當大家的批西都有 2.0 但係 mac 就未有, 咁就係問題啦......
到連 mac 都有 2.0 同FW 800 , 點知 mac 又要來一個大變, 如果當初佢FW 同 USB f分別取 400 同 12 上下兩個 market, 你話幾好, 出fw 其實係為左搵錢, 點知變左搵自己笨.

Saturday, December 10, 2005

世屆盃分左組

2006 世界盃分左組勒

A組:德國、 哥斯達黎加、波籣、厄瓜多爾
B組:英格蘭、巴拉圭、特立尼達和多巴哥、瑞典﹔
C組:阿根廷、科特迪瓦、塞黑、荷蘭﹔
D組:墨西哥、伊朗、安哥拉、葡萄牙﹔
E組:意大利、加納、美國、捷克﹔
F組:巴西、克羅地亞、澳大利亞、日本﹔
G組:法國、瑞士、韓國、多哥﹔
H組:西班牙、烏克蘭、突尼斯、沙特阿拉伯

C 組 係死亡之組...... 我的阿根廷要對住何蘭豆同塞黑兩隊歐洲隊, 仲有科特迪瓦<-- 杜奧巴果隊.......
不過唔緊要, 最重要的係 英格蘭俾燈王比利貼好佢地, 睇來英格蘭都冇運行lu

之但係分組賽都會有好多場好波... 包括 阿根廷對何蘭
意大利對捷克, 巴西對克羅, 墨仔對葡萄等等


西班牙對沙地, 巴西對日本, 呢兩場可能係最好睇, 最多入球都唔定, 不過家下係時候要貯定power 等來年睇波lu

Wednesday, December 07, 2005

世界杯

3年前的 World Cup 不幸地在亞州舉行, 點解?因為d 波o係開工時間開, 大部份都睇唔到 live, 你話幾冇癮. 你話係唔係挨夜睇波, 返到公司冇精神好d 呢....
點都好, 今屆world cup 都幾辣.... 原因係星期五就會進行抽籤
第一種子包括
德國、法國、英格蘭、巴西、阿根庭、墨西哥、意大利同西班牙
第二種子包括 澳洲, 五隊非洲, 同埋最差果兩隊南美
Ghana, Ivory Coast, Tunisia, Angola and Togo, Ecuador and Paraguay
第三種子, 就係八隊歐洲隊
克羅地亞、捷克、荷蘭、波蘭、葡萄牙、瑞典、瑞士同埋烏克蘭
第四種子只有七隊, 就係亞洲四隊、同三隊中北美
伊朗、日本、南韓、沙地、美國、特立尼達和多巴哥共和國, 仲有哥斯達黎加
仲有塞黑係特別種子, 只會對非歐洲的首種子.... 即係巴西、阿根庭、墨西哥是但一隊
暫時咁睇, 歐洲隊好似有利d 咁, 而我的最愛阿根庭就有可能對住塞黑再加一隊歐州隊, 唔通又係瑞典??
不過好彩的係唔駛對住英格蘭, 而德國呢, 就可能對荷蘭豆, 但係冇左捷克呢隊死敵, 荷蘭豆可以斗返口氣.
小弟小小斷估 + 宿命分組
Gp A, 德國, 荷蘭/ 捷克
法國, Tunisia
阿根庭 瑞典
墨西哥, 美國
西班牙葡萄牙
咁樣的分組賽都幾有睇頭, 不過呢, 巴西同阿根庭就有可能俾兩隊歐洲佬屈機屈走.......
以上言論, 只係玩o下, 中定唔中, 星期五就知

天氣轉

天氣開始轉冷勒, 大家著多件衫, 唔好冷親, 唔係就手尾長. 加上流感呀, bird flu 等等, 大家真係要小心. 不過話時話, 今年變天好似特別快, 11 月中尾都仲係可以短打出街, 突然一變就得返10度, 真係凍得很呢........以往幾年都唔係咁架... 又或者12 月都仲可以著短打出街.... 唔知係唔係真係末世呢.. 唔通個天玩我地?
anyway,
目前最緊要的係唔好冷親.

Tuesday, December 06, 2005

Photo Blog

Photo Blog
Photo Blog,
originally uploaded by Kimot.
blog h, aUO flickr iHY blog,

Akr

Monday, December 05, 2005

Mac mini 火拼 MCPC

話說又係某mac網站的消息,MWSF 可能會推出新的 Mac mini TV, 其實spec 就同 mac mini 差唔多, 不過就多左件 TV Tunner , 可以正式咁當佢做電視, 當然唔少得就係有前座 (Front Row) 同埋"失否" 形 remote 啦, 不過聽埋呢個傳聞之後, 綜合蘋果電腦亂up 分析員劍魔 ( 即係小弟) 的分析, 出 Mac Mini TV 的情況會大d, 反而同期推出Intel iBook 的機會就細得多, mac mini 都推出一年有多, 經歷過小小 speed boost 之後, 係時候出新機, 反觀 Intel 機的機會, 留返 WWDC 先啦. 因為出新機, 影響最大的唔係 end user, 係 pro user 同埋 developer

而呢部 Mac mini TV 就極有可能會係 M$ 的 Media Centre PC 的最大對手, 同樣有, TV/ A/V 同埋駁電視, 最少 mac mini 贏樣先啦.

影相


上星期約了友人到 Downtown 拍攝聖誕燈飾, 雖然踏入 12 月, 不過不論天氣, 衣著, 以至心情都沒有聖誕的感覺, 不過我覺得最奇怪的係, 香港人極愛影相, 卻又好怕影相, 不知是甚麼心態, 愛拍攝的人多, 很易理解, 但是為何怕給人攝入相片中呢, 要知到每年發明星夢被騙的各齡男女極多, 他們不是想成為名人嗎? 不是想出現的地放有閃光燈猛閃嗎?為何會怕影相, 小弟苦思不得其解. anyway 亦送上聖誕相片一張.