春節假期回顧

明天就是立春, 而今日, 即將要在睛朗的一天出發, 所以我的春假就只有剩下 2 小時.
這個春天一直被對某人的思念所矓罩著, 不過幸好, 我的幾位好友同樣對我不離不棄, 當中包括酒精這個老朋友, 以及 DVD 同埋書本
酒這個老友就唔駛多講, 不過我對酒入愁腸愁更愁這一句說話就有了另一翻的體會. 想知我的老友係邊個? 下面咪有寫囉.
另外 DVD 方面, 今次真係大豐收, 睇左
: 七劍, Team America, 色情男女, The Last Emperor, Two for the Money, natural Born Killers, 宋家皇朝, Corpse Bride, Island, Jan LAMB, 再加上 Lord of War, 男人四十, Hustle & Flow , Lolita 同埋電視 West Wing Season 1. 有中有外, 有新有舊, 真的精彩萬分. 雖然手上仲有十多隻未睇的碟, 不過信短期內可以作出了斷.
而最後一個朋友就係書, 書絕對係我的最好朋友, 大學時睇書最多, 有原氏密語, 西遊同紅樓夢都係呢個時候睇的, 當然唔少得的有小王子. 在這冷冷的天氣下, 配合上冰冷淌血的心, 又有乜野好得過在被窩內讀書.
書單方面: 百年孤獨(中譯), 池袋西口公園(中譯), 麥田捕手 The Catcher in the Rye, 1984, 移動的邊界, 同埋 Narnia.
雖然唔多, 不過本本都好有意思. 麥天捕手係名著, 唔駛多講, 百年孤獨係南美作家 馬爾克斯的作品, 好像十分配合我的心情咁, 真係唔知點解, 初接觸這位作家的是他的另一本大作「愛在瘟疫曼延時」呢本書係o係SARS 時睇的, 今次睇百年孤獨, 好似就更加意味深長. 之後有 1984, 呢本書由我識 Mac 開始就想睇, 原因? 咪係睇完個 ad, 想知到 1984 係點囉. 而 Narnia 方面, 就因為上左套戲, 所以去睇, 最後就係池袋西口公園, 呢套小說十分特別, 而寫作方式則有點似 Blog 又有d 似偵探小說, 值得推介.
過完年, 乜野都 Reset, 重新開始, 看天色今日不錯, 相信可以在睛朗的一天出發。